ბათუმში “გაერთიანებული ოპოზიციის” წარმომადგენელმა ექიმებმა ბრიფინგი გამართეს და შექმნილ ეპიდემიოლოგიურ ვითარებასთან დაკავშირებით ისაუბრეს.
მათი განცხადებით, არსებული მძიმე ეპიდვითარება ხელისუფლების აქამდე უპასუხისმგებლო მოქმედებების შედეგია.
“მოვუწოდებთ ხელისუფლებას დროული გამოვლენის მიზნით მნიშვნელოვნად გაზარდოს ტესტების რაოდენობა, განსაკუთრებით რისკჯგუფებისთვის და სასწრაფოდ მოხდეს საწოლების მობილიზაცია მოსალოდნელი კატასტროფის თავიდან აცილების მიზნით,”- განაცხადეს ბრიფინგზე.
ბრიფინგზე დაანონსდა ცხელი ხაზის ნომერი – 577 700 772, სადაც კვალიფიციური ექიმები მოქალაქეებს გაუწევენ დახმარებას როგორც სამედიცინო თვალსაზრისით, ასევე ლოჯისტიკის კუთხითაც.
