ბათუმში, აღმაშენებლის ქუჩაზე გაზის მილის დაზიანების შედეგად ბუნებრივი აირი ღია ცის ქვეშ იფრქვევა.
შემთხვევის ადგილზე სამართალდამცავები და “სოკარ ჯორჯიას” წარმომადგენლები იმყოფებიან. ტერიტორიაზე სატრანსპორტო მიმოსვლა რამდენიმე წუთით შეიზღუდა.
როგორც თვითმხილველები აცხადებენ, გაზის მკვეთრი სუნი იგრძნეს და დაინახეს, თუ როგორ იფრქვეოდა ჰაერში ბუნებრივი აირი. მილის დაზიანების მიზეზად სარეაბილიტაციო სამუშაოები სახელდება.
