აჭარაში, კლინიკა „ბიემსში“ „კოვიდ-19“-ით 34 წლის ქალი გარდაიცვალა.
„34 წლის ქალი კლინიკა „ბიემსიში“ შევიდა 8 აპრილს, კოვიდდადასტურებული. ანამნეზში აღენიშნებოდა – ეპილეფსია, გადატანილი მენინგიტი, თირკმლის უკმარისობა, პნევმონია. პაციენტს მკურნალობა უტარდებოდა რეანიმაციის განყოფილებაში, სადაც განუვითარდა თავის ტვინის ინფარქტი, ქვემო კიდურების ღრმა სისხლძარღვების ფლებიტი და თრომბოფლებიტი. მიუხადავად ჩატარებული ადეკვატური მკურნალობისა, თანმდევი დაავადებების სირთულიდან გამომდინარე, პაციენტის გადარჩენა ვერ მოხერხდა“, – აცხადებენ აჭარის ჯანდაცვის სამინისტროში.
ჯამში, აჭარაში დღეს, კორონავირუსით ორი ადამიანი გარდაიცვალა, ისინი რესპუბლიკურ საავადმყოფოში მკურნალობდნენ.
